அண்மையில் வெளியாகியுள்ள ஆய்வறிக்கை ஒன்றில் 2030 ஆம் ஆண்டுக்குள் இந்தியா, ஜப்பானை முந்தி ஆசியாவின் இரண்டாவது பெரிய பொருளாதாரத்தை கொண்ட நாடாக முன்னேறும் என்று ஒன்று தெரிவித்துள்ளது.
கொரோனா வைரஸ் பரவல் காரணமாக உலகின் பல்வேறு நாடுகள் பொருளாதார நெருக்கடிகளை சந்தித்தன. அதிலும், மிகப்பெரிய பொருளாதாரத்தை கொண்டுள்ள நாடான அமெரிக்கா கூட பெரிய அளவில் பொருளாதார பாதிப்புக்கு ஆளானது.
இந்தியாவிலும் அமல்படுத்தப்பட்ட நாடு தழுவிய லாக்டவுன் காரணமாக பல்வேறு துறைகளில் பலருக்கும் வேலையிழப்பை ஏற்படுத்தியது. சுற்றுலா, ஹோட்டல் உள்ளிட்ட பல நிறுவனங்கள் முடங்கிப்போனது. ஒட்டுமொத்த பொருளாதார சுழற்சியும் நின்று போனது. பின்னர் கொரோனா பாதிப்புகள் குறையத் தொடங்கிய பிறகு கட்டுப்பாடுகள் மெல்ல மெல்ல தளர்த்தப்பட்டதால் இந்திய பொருளாதாரம் மெல்ல மீளத் தொடங்கியுள்ளது.
இந்த நிலையில் 2030 ஆம் ஆண்டுக்குள் ஜப்பானை முந்தி ஆசியாவின் இரண்டாவது பெரிய பொருளாதாரத்தை கொண்ட நாடாக இந்தியா முன்னேறும் என்று ஐஎச்எஸ் மார்க்கெட் என்ற ஆய்வு நிறுவனம் வெளியிட்டுள்ள அறிக்கையில் தெரிய வந்துள்ளது.
அந்த அறிக்கையில் தெரிவிக்கப்பட்டுள்ளதாவது, “ தற்போது அமெரிக்கா, சீனா, ஜப்பான், ஜெர்மனி மற்றும் இங்கிலாந்துக்கு அடுத்தபடியாக, உலகின் ஆறாவது பெரிய பொருளாதாரமாக இந்தியா உள்ளது.
இந்தியாவின் ஒட்டுமொத்த உள்நாட்டு உற்பத்தி எனப்படும் ஜிடிபி 2021 இல் 2.7 டிரில்லியன் டாலராக உள்ளது. 2030க்குள் இது 8.4 டிரில்லியன் டாலராக உயரும் என எதிர்பார்க்கப்படுகிறது.
இந்த விரைவான பொருளாதார வளர்ச்சி 2030 ஆம் ஆண்டுக்குள் இந்திய மொத்த உள்நாட்டு உற்பத்தியின் அளவை ஜப்பானிய ஜிடிபியை விட அதிகமாகும், இது ஆசிய-பசிபிக் பிராந்தியத்தில் இந்தியாவை இரண்டாவது பெரிய பொருளாதாரமாக மாற்றும். 2030 ஆம் ஆண்டில், இந்தியப் பொருளாதாரம் மிகப்பெரிய மேற்கு ஐரோப்பியப் பொருளாதாரங்களான ஜெர்மனி, பிரான்ஸ் மற்றும் இங்கிலாந்து ஆகிய நாடுகளைக் காட்டிலும் பெரிய அளவில் இருக்கும்.
ஒட்டுமொத்தமாக, அடுத்த பத்தாண்டுகளில் உலகின் வேகமாக வளரும் பொருளாதாரங்களில் ஒன்றாக இந்தியாவின் வளர்ச்சி இருக்கும் என்று எதிர்பார்க்கப்படுகிறது. இந்தியப் பொருளாதாரத்திற்கான நீண்ட காலக் கண்ணோட்டம் பல முக்கிய வளர்ச்சி காரணிகள் இருப்பதை உறுதி செய்கிறது.
இந்தியாவிற்கு ஒரு முக்கியமான நேர்மறையான காரணி அதன் பெரிய மற்றும் வேகமாக வளர்ந்து வரும் நடுத்தர வர்க்கமாகும், இது நுகர்வோர் செலவினங்களை அதிகரிக்க உதவுகிறது. நாட்டின் நுகர்வு செலவு 2020 இல் 1.5 டிரில்லியன் டாலரில் இருந்து 2030 க்குள் 3 டிரில்லியன் டாலராக அதிகரிக்கும் என்று கணித்துள்ளது.
2021-22 முழு நிதியாண்டில் (ஏப்ரல் 2021 முதல் மார்ச் 2022 வரை), இந்தியாவின் உண்மையான ஜிடிபி வளர்ச்சி விகிதம் 8.2 சதவீதமாக இருக்கும் என்று கணிக்கப்பட்டுள்ளது. இது 2020-21ல் ஆண்டுக்கு ஆண்டு 7.3 சதவீதம் என்ற கடுமையான வீழ்ச்சியில் இருந்து மீண்டு வருவதை உணர்த்துகிறது.
இந்தியப் பொருளாதாரம் 2022-23 நிதியாண்டில் 6.7 சதவீத வேகத்தில் தொடர்ந்து வலுவாக வளரும் என்று கணிக்கப்பட்டுள்ளது. வேகமாக வளர்ந்து வரும் உள்நாட்டு நுகர்வோர் சந்தை மற்றும் அதன் பெரிய தொழில்துறை துறையானது, உற்பத்தி, உள்கட்டமைப்பு மற்றும் சேவைகள் உட்பட பல துறைகளில் பன்னாட்டு நிறுவனங்களின் பரவலான முதலீட்டு இடமாக இந்தியாவை உருவாக்கியுள்ளது.
தற்போது நடைபெற்று வரும் இந்தியாவின் டிஜிட்டல் மாற்றம், அடுத்த பத்தாண்டுகளில் சில்லறை நுகர்வோர் சந்தை நிலப்பரப்பை மாற்றும், ஈ-காமர்ஸின் வளர்ச்சியை அடுத்த கட்டத்திற்கு எழுத்துச்செல்லும் என்று எதிர்பார்க்கப்படுகிறது.
இதனால், இந்தியாவின் பெரிய உள்நாட்டு நுகர்வோர் சந்தையில் கூகுள் மற்றும் ஃபேஸ்புக் போன்ற உலகளாவிய தொழில்நுட்ப பன்னாட்டு நிறுவனங்களின் பெருமளவிலான முதலீடுகளால் ஊக்கப்படுத்தப்படுகிறது.
உலகின் வேகமாக வளரும் பொருளாதாரங்களில் ஒன்றாக இருப்பதால், ஆட்டோமொபைல், எலக்ட்ரானிக்ஸ் மற்றும் ரசாயனங்கள் போன்ற உற்பத்தித் தொழில்கள் மற்றும் வங்கி, காப்பீடு, சொத்து மேலாண்மை, சுகாதாரம் மற்றும் தகவல் தொழில்நுட்பம் போன்ற சேவைத் தொழில்கள் உட்பட, பரந்த அளவிலான தொழில்களில் பன்னாட்டு நிறுவனங்களுக்கான மிக முக்கியமான நீண்ட கால வளர்ச்சி சந்தைகளில் ஒன்றாக இந்தியா மாறும்” என்று அந்த அறிக்கையில் கூறப்பட்டுள்ளது.
